Бүгін жалпы отырыста Мәжіліс депутаты Руслан Берденовтің өкілеттігін мерзімінен бұрын тоқтату мәселесі қаралды, деп хабарлайды inbusiness.kz сайты.
– Шымкент қаласы әкімінің 2025 жылғы 24 ақпандағы өкімінің Парламент Мәжілісінің депутаты Руслан Арысбекұлы Берденов Шымкент қаласы әкімінің орынбасары қызметіне тағайындалды. Осыған орай ҚР Орталық сайлау комиссиясы Р.Берденовтің өкілеттін мерзімінен бұрын тоқтату туралы ұсыным енгізіп отыр, – деді ОСК мүшесі Асылбек Смағұлов.
Палата отырысында депутаттың өкілеттігін тоқтату жөніндегі қаулы қабылдады. Оған атқарған жұмыстары үшін алғыс айтылды.
– Сіздермен бірге шын мәнінде, елдің игілігі үшін, қаншама үлкен сұрақтарды көтеріп, қаншама күресіп, соңына жетіп, көпшілік мәселелерді талқылағаным, сіздердің араларыңызда болғаным – мен үшін үлкен мәртебе. Бәлкім, елдің тарихындағы ең белсенді депутаттар шақырырылымы осы болды, – деді Руслан Берденов.
