Өйткені министрлер кабинетінің басшысы партияластарының кетуіне байланысты парламенттегі басымдығынан айырылып қалған еді. Джонсонның ойынша, енді оппозиция оның жоспарларын құртуы мүмкін.
"Мен мерзімінен бұрын сайлау өткізгім келмейді,бірақ олай істемеске болмайды. Брекситті алға жалжыту үшін осындай шешім қабылдауымыз керек. Үкімет Брекситті 31 қазанда жүзеге асыруы керек. Олай болмаған жағдайда Джереми Корбин бастаған лейбористер 17 қазанда өтетін ЕО саммитінде еш нәтижеге қол жеткізбей, одақ Брекситті кейінге шегеріп тастайды", - дейді премьер-министр.
Сәрсенбі күні Джонсон кабинеті үлкен жеңіліс тапқан болатын. Парламент үкіметті Брекситтің уақытын шегеруге міндеттеген болатын. Сондай-ақ депутаттар премьердің мерзімінен бұрын сайлау өткізу туралы идеясына үзілді-кесілді қарсылық білдірді.
Айта кететін жайт, төменгі палатаның шешімін лордтар Палатасы мен Елизавета II патшайымы мақұлдауы тиіс.
Табиғат Нұрболат
