Ел президенті Владимир Зеленский Украинада сайлау қашан және қандай форматта өтетінін айтты, деп хабарлайды inbusiness.kz сайты.
– Сайлау өткізу мәселесі Конституция мен ұлттық заңнамаға, сондай-ақ азаматтардың қауіпсіздігіне қарай қаралады. Бұл – демократиядан бас тарту емес, соғыс жағдайында қабылданған уақытша шешім, – деді ол.
Сол секілді, Еуропалық одақтың сыртқы саясат жөніндегі жоғары өкілі Жозеп Боррель де Украина билігінің ұстанымын қолдаған. Оның айтуынша, соғыс жағдайында сайлау өткізбеу – халықаралық тәжірибеде бар норма.
– Қауіпсіздікке тікелей қатер төніп тұрған кезде сайлау ұйымдастыру мүмкін емес. Бұл Украинадағы биліктің заңдылығына күмән келтіруге негіз бола алмайды, – деді Боррель.
Германия канцлері Олаф Шольц де Украинадағы саяси процестерге сыртқы күштердің араласуын айыптап отыр.
– Украина – тәуелсіз мемлекет. Оның ішкі саяси шешімдерін тек украин халқы қабылдайды, – деп нақтылады ол.
