Алматы облысының Панфилов аудандық сотында Қытай азаматшасы Сайрагүл Сауытбайға қатысты сот үкімі шықты. Оған шекараны заңсыз кесті деген айып тағылған болатын, деп жазады informburo.kz.
Сот отырысына 70-ке жуық адам келді. Сот залында отандық және шетелдік БАҚ өкілдері отырды, олардың қатарында The New York Times, The Wall Street Journal, The Washington Post, Agence France-Presse, сондай-ақ RFI халықаралық радиосының өкілдері болды.
Судья Динара Құйқабаева сотталушыны айыпты деп танып, шартты түрде 6 айға мерзім кесті, сондай-ақ пробациялық бақылауға алынатын болды. Елден шығару туралы қосымша жаза тағайындамауға ұйғарым жасалды. Сайрагүл Сауытбай сот залында босатылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
