2020 жылдың алғашқы алты айында сақтандыру компанияларының салық төлегенге дейінгі жалпы табысы 70,7 млрд теңгені құрады. Бұл өткен жылдың сәйкес кезеңінен 67,9%-ға жоғары, деп хабарлады ranking.kz.
Ал корпоративті табыс салығы 5,4 млрд теңгеге тұрақтады. Алайда бұл 2019 жылдың қаңтар-маусымымен салыстырғанда 7,9%-ға төмен. Осыған байланысты сақтандыру компанияларының корпоративті табыс салығын төлегеннен кейінгі таза табысы 80%-ға артып, 65,3 млрд теңгені құрады.
2020 жылдың алғашқы алты айында аталған сектордағы компаниялар кірісі 265,5 млрд теңгені құрады. Бір жылда көрсеткіштер 19,4%-ға өскен. Әйтседе компаниялар шығыны 7,6%-ға артқан.
Жалпы көрсеткіш бойынша сақтандыру қызметінің кірісі 10%-ға жоғарылап, 198,3 млрд теңге болды. Ал инвестициялық қызмет кірісі 22,2%-ға артып, 57 млрд теңгеге жетті.
Құралай Құдайберген
