Бұл туралы Қаржы нарығын реттеу және дамыту агенттігі төрағасының орынбасары Мария Хаджиева мәлімдеді, деп жазады inbusiness.kz.
"2024 жылдың 1 наурызында активтердің сомасы 2 трлн теңгені құрады. Сақтандыру ұйымдарының міндеттемелеріне келетін болсақ, олар 2024 жылдың 1 наурызында 1,6 трлн теңгеге тең болды, 2023 жылғы ұқсас кезеңмен салыстырғанда бұл көрсеткіш 23,6%-ға артты. Сақтандыру сыйақылары да 2023 жылдың сәйкес кезеңімен салыстырғанда 33,5%-ға өсті. Сақтандыру төлемдерінің жалпы көлемінің ұлғаюы бізді ерекше қуантып отыр. 2024 жылы ол 42,9 млрд теңгені құрады, бұл 2023 жылмен салыстырғанда 34,6%-ға көп", – деді спикер.
Агенттік өкілінің айтуынша, қазір сақтандыру саласы тұрақты, төлем қабілеттілігінің деңгейі жоғары. Сектор қарқынды дамып келеді.
2024 жылдың 1 наурызындағы жағдай бойынша нарықта 25 сақтандыру ұйымы жұмыс істейді. Оның ішінде 16-сы жалпы сақтандыру компаниясы және 9-ы өмірді сақтандыратын компания.
