Алматының Мемлекеттік кірістер департаменті салық төлеуге асықпайтын мемлекеттік қызметшілердің рейтингін жасады. Дерекке сенсек, жеке меншік салығын төлемеген борышкерлер тізімінде мемлекеттік қызметкерлер көп.
Салыққа ең немқұрайлы қарайтындар – полицейлер мен әскери қызметшілер болып шықты. Мысалы, ішкі істер органдарының 289 қызметкері меншік салығы бойынша 5,9 млн теңге қарыз. Әскери бөлімдердің 218 қызметкері мемлекетке 3 млн теңге берешек. Ал қаржы құрылымында істейтін 67 қызметкердің қарызы жалпы 1,6 млн теңгені құрайды. Енді олардың мекенжайы және жұмыс орындарына пайда болған хабарландыру жіберілді.
Сондай-ақ департамент уақтылы төленбеген салыққа өсімпұл қосылатынын ескертеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
