Өзбекстан мен Ислам Ынтымақтастығы Ұйымына мүше елдердің әйелдерді қолдаудағы тәжірибесі" тақырыбындағы халықаралық форум өтті, деп хабарлайды inbusiness.kz сайты.
Форумға әлемнің 20-дан астам елінің, Ислам Ынтымақтастығы Ұйымының Бас хатшылығының, Ислам Ынтымақтастығы Ұйымы әйелдерді дамыту ұйымының және Өзбекстанның заң шығарушы және атқарушы билігінің жоғары лауазымды өкілдері сондай-ақ Қазақстан тарапынан ҚР Президентінің жанындағы Әйелдер істері және отбасылық-демографиялық саясат жөніндегі Ұлттық комиссия төрағасының орынбасары Сүлеймен Ләззат қатысты.
Форум барысында әйелдердің құқығы мен мүдделерін қорғау жөніндегі жаңа жобалар мен бағдарламаларды дайындауға, сондай-ақ Ислам Ынтымақтастығы Ұйымына мүше мемлекеттердегі отбасы институтын нығайтуға қызмет ететін нақты ұсыныстар мен ұсынымдар әзірленді.
Қатысушылар Ұйымға мүше мемлекеттердің тұрақты дамуындағы әйелдердің рөлі мен жағдайын арттыруға бағытталған жаңа бастамаларды ұсынды.
