"Самұрық-Энерго" АҚ Қырғызстаннынң суына электр энергиясын айырбастап, оңтүстіктегі диқандарға қолдау көрсеткен. "Самұрық Қазына" әл-ауқат қорының ақпарат алаңында өткен брифингте акционерлік қоғамның даму және сауда-саттық жөніндегі басқарушы директоры Марат Ұлданов осындай мәлімет берді, деп хабарлайды Inbusiness.kz.
"2020 жылы "Самұрық-Энерго" Орталық Азия елдеріне 860 млн КВт/сағ энергия экспорттады. Сондай-ақ, оңтүстіктегі суармалы алқаптарды ылғалмен қамтамасыз ету үшін Қырғыз елімен тауар алмасты. Электр энегриясын жеткізу бойынша көрсеткен көлеміміз сағатына 6,8 млрд КВт-ты құрады. Оның ішінде 6,1 млрд КВт/сағат энергияны саттық. 43,4 млн тонна көмір өндіріліп, сатылды", – деді ол.
Есжан Ботақара
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
