"Самұрық-Қазына" қоры жергілікті құрам үлесін 60%-ға жеткізді

959

Тапсырыс берушілер импорттық материалдарды қолдануға шектеу қоюға тиіс.

"Самұрық-Қазына" қоры жергілікті құрам үлесін 60%-ға жеткізді

Үкімет отандық тауар өндірушілерге қолдау көрсету үшін арнайы заң жобасын әзірлеп жатыр. Бұл туралы премьер-министр Асқар Мамин "Самұрық-Қазына" ұлттық әл-ауқат қоры ұйымдастырған форумда айтты. 

"Үкімет отандық тауар өндірушілерге жайлы жағдай жасау мақсатында тиісті заң жобасын әзірлеуге кірісті", – деді премьер-министр.

Оның сөзінше, "Самұрық-Қазына" қоры жеңілдетілген несиелеу және қарапайым экономика заттары бағдарламасы аясында отандық кәсіпорындардың өнімдерін сатып алып жатыр. 
"Бүгінге дейін қор 4 сала бойынша жергілікті құрам үлесін 60%-ға жеткізді", – деді Асқар Мамин. 

Премьер-министрдің мәлімдеуінше, отандық құрылыс материалдары мен жабдықтарының сатылымын ұлғайту үшін тапсырыс берушілер импорттық материалдарды қолдануға шектеу қоюға тиіс. 

Қанат Махамбет 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу