"Самұрық-Қазына" Qazaq Air әуе компаниясының сатылуы бойынша конкурс жарамсыз деп танылғанын хабарлады, деп жазады inbusiness.kz сайты.
"18 тамызда жарияланған "Qazaq Air" АҚ акцияларының 49-дан 100 пайызына дейін сатылған екі кезеңдік ашық конкурс жарамсыз деп танылды.
"Самұрық-Қазына" АҚ активтерін бәсекелес ортаға беру қағидаларының ережелеріне сәйкес, белгіленген тәртіппен жаңа конкурс өткізіледі", деп хабарлады қор.
Qazaq Air-ді жекешелендірудің мақсаты – әуе компаниясына болашақта жетекші аймақтық әуе тасымалдаушысына айналуы үшін инвестиция мен ресурстарды тарту.
Осылайша қор бәсекелес нарықтағы квазимемлекеттік сектордың үлесін азайтқысы келеді. Болашақ инвесторларға қойылатын маңызды біліктілік талаптарының бірі азаматтық авиациядағы тәжірибе болып табылады.
Екінші талап – инвесторлардың қаржылық тұрақтылығы. Компанияны дамыту үшін ақша қажет, сондықтан инвестордың капиталы болуы керек.
