Бұл туралы Орталық коммуникациялар қызметінде өткен баспасөз мәслихатында "Самұрық-Қазына" Қорының басқарма төрағасы Алмасадам Сәтқалиев айтты, деп хабарлайды inbusiness.kz.
"Стратегия ҚР Президентінің тапсырмасына сәйкес дайындалды. Қор активтердің құнын ұлғайтып, Қазақстан экономикасындағы өз үлесін азайтып, үздік әлемдік бизнес-тәжірибелерді енгізетін болады. 2032 жылға қарай қор компаниялары тобындағы еңбек өнімділігін 1,5 есеге арттырады. Сонымен қатар активтердің таза құнын 2 есеге арттырады", – деді Алмасадам Сәтқалиев.
Еске сала кетсек, қор 2025 жылға дейін 8 ірі компанияның үлесін бәсекелес ортаға шығаратынын хабарлаған. Оның ішінде, AirAstana, Samruk Energy, QazaqGaz, ҚТЖ бар. "ҚазМұнайГаздың" IPO-сы жыл соңына дейін жоспарланған. Бұл туралы халыққа кеңінен ақпарат тарату үшін ipo.sk.kz сайтын іске қосты.
Құралай Құдайберген
