Ал цифрлы бағдарламалық шешімдердің әлемдік көшбасшысы саналатын немістің "SAP" компаниясы, енді, қазақстандық студенттерге бизнесті өрлетудің жолдарын үйрететін болады. Бүгін Астанада өткен бизнес форум аясында аталған ұйым, Қазақстандағы екі жоғарғы оқу орнымен меморандумға отырды. Осының негізінде Назарбаев университетінде екі сараптамалық орталық ашылады. Онда студенттерді IT мамандыққа баулып, бизнес тапсырыстар мен жобалардың жасалу жолдарын көрсететін түрлі семинарлар мен лекциялар өтеді. Бұл ақпараттық технологиялар саласын дамытуға және деңгейі жоғары отандық кадрларды өсіруге мүмкіндік бермек.
Максим Ламсков, SAP компаниясының Қазақстандағы басшысы
Әлем бойынша компаниялар өз бизнесін цифрлық деңгейге шығаруды ойлайды. Ал "SAP" компаниясы қандай трендтер бизнеске әсер ететіндігін біледі. Сараптамалық орталықты ТМД бойынша алғаш рет Қазақстанда ашып отырмыз. Жалпы бұл қалай жүзеге асатын болады. Нарықтағы бизнес компания шешілмей жүрген мәселесімен жоғарғы оқу орнына жүгінеді. Студенттермен бірлесіп, ұстаздар және компания қызметкерлері бизнес тапсырысты орындауы тиіс. Бұл студенттердің тәжірибе жинақтауына және табыс табуына сеп болады.
