Қазақстан машина жасаушылар форумында Индустрия және инфрақұрылымдық даму министрі Бейбіт Атамқұлов алдағы жылдары Саран қаласында тағы екі зауыт бой көтеретінін мәлімдеді.
"Саран моноқаласын әлеуметтік-экономикалық жағынан дамыту үшін жаңа типті автобустар мен Yutong арнайы техникасын шығаратын зауытты іске қосуды жоспарлап отырмыз. Сондай-ақ, шина шығаратын зауыт құрылысын бастау туралы келісімге қол қойылды", – деді министр.
Оның сөзінше кәсіпорын жеңіл көліктер үшін жылына 3 млн, ал коммерциялық техника мен автобустарға арнап 0,5 млн шина шығарады. Тек осы екі жоба Саран қаласында 2 мың жұмыс орнын ашуға мүмкіндік береді.
"Бұл 2 мың отбасы жұмыспен қамтылады деген сөз. Демек, халықтың әлеуметтік жағдайы жақсарады", – деді Бейбіт Атамқұлов.
Құралай Құдайберген
