/img/tv1.svg
RU KZ
Сарапшы: Таулы Қарабақтағы тұрақсыздық Қазақстанның экономикалық жобаларына нұқсан келтіруі мүмкін

Сарапшы: Таулы Қарабақтағы тұрақсыздық Қазақстанның экономикалық жобаларына нұқсан келтіруі мүмкін

Ал өзге сарапшылар қандай пікірде?    

28 Қыркүйек 2020 23:22 329

Сарапшы: Таулы Қарабақтағы тұрақсыздық Қазақстанның экономикалық жобаларына нұқсан келтіруі мүмкін

Таулы Қарабақтағы тұрақсыздық Қазақстанның сол өңірдегі экономикалық жобаларына нұқсан келтіруі мүмкін, деп хабарлайды Аtameken Business.  

Саясаттанушы Жұмабек Сарабек Әзербайжан мен Армения арасындағы жағдай еліміз үшін саяси және экономикалық қауіп-қатерлерге толы екенін айтты.

Майк Помпео Армения мен Әзербайжан Сыртқы істер министрлерін қабылдады

Келіссөздер әр тараппен жеке-жеке өткен.

24 Қазан 2020 16:21 83

Таулы Қарабақ үшін қақтығысып жатқан елдермен келіссөз жүргізу үшін АҚШ Вашингтонда Армения мен Әзербайжан Сыртқы істер министрлері Зограб Мнацаканян мен Джейхун Байрамовты қабылдады. Deutsche Welle мәліметінше, келіссөздер әр тараппен бөлек өткен.

Армения Сыртқы істер министрлігі таратқан хабарламада Помпео мен Мнацаканян арасындағы кездесуде ЕҚЫҰ Минск тобының қорғауы аясында атысты тоқтату туралы келісімдерді орындау және бейбітшілік процесін жалғастыру қажет екені расталған. Сондай-ақ «АҚШ мемлекеттік хатшысына Әзербайжанның әскери қылмыстары және Таулы Қарабақтың бейбіт тұрғындарына қарсы қасақана шабуылдары туралы хабарлағаны» айтылған. Мнацаканян сонымен қатар Әзербайжан Қарабақта «Түркияның тікелей қатысуымен» операция жүргізіп, аймаққа «қаруланған террористерді» енгізіп жатқанын мәлімдеген.

Ал Әзербайжан Сыртқы істер министрлігінің басшысы Байрамов Помпеоға «Армения тарапы Әзербайжанның бейбіт тұрғындарын қасақана атуы, шетелдік жалдамалыларды жаппай шақыруы және басқа да мәселелерге қатысты сыңаржақ саясаты» туралы егжей-тегжейлі хабарлағанын мәлімдеді. Сонымен қатар Джейхун Байрамов Әзірбайжанның ұстанымы БҰҰ Қауіпсіздік Кеңесінің төрт қарарына негізделгенін баса айтқан. 

Еске сала кетсек, Таулы Қарабақтағы жанжал қыркүйек айының соңында күрт шиеленісіп кетті. Содан бері жүздеген адам қаза тауып, жарақат алды. Оның ішінде бейбіт тұрғындар да бар.

Нұржан Көшкін

Таулы Қарабақтың тәуелсіздігін мойындаған елмен Баку байланысты үзеді

Әзербайжан президенті шиеленіс тоқтаған соң, өңірге инвестиция құюды және әлеуметтік бағдарламаларды жүзеге асыруға уәде берді.

14 Қазан 2020 16:37 134

Қай ел Таулы Қарабақтың тәуелсіздігін мойындаса, сол елмен Әзербайжан дипломатиялық байланысты үзеді. Әзербайжан президенті Ильхам Әлиев осылай деп басып айтты. 

«Әзербайжанның территориялық тұтастығын әлем мойындап отыр. Сондықтан әлем елдерінің бірі Қарабақтың тәуелсіздігін мойындайды деп ойламаймын. Егер мойындаса, онымен арадағы қарым-қатынасты міндетті түрде тоқтатамыз», – деді Әлиев.

Оның ойынша, қақтығыс біткеннен кейін Әзербайжан мен Армения халықтарын Таулы Қарабақта бірлесе өмір сүруге дайындау керек. Сонымен қатар ол өз сөзінде шиеленіс тоқтаған соң, өңірге инвестиция құюды және әлеуметтік бағдарламаларды жүзеге асыруға уәде берді.

Еске сала кетейік, Таулы Қарабақтағы қарулы қақтығыс 27 қыркүйекте басталған еді. Ресми Баку армяндар әзербайжандық позициялар мен елді мекендерге шабуылдады дегенді айтты. Ереван болса, Қарабаққа шабуылдаған әзербайжандықтар және Түркия Әзербайжанды жауынгерлермен қамтамасыз етіп отыр деп жариялады. 

Халқының басым бөлігін армяндар құрайтын Таулы Қарабақ 1991 жылы Әзербайжан Кеңес Социалистік Республикасынан тәуелсіз екенін жариялаған болатын. Сол кезде Ресми Баку бұл аймақты күшпен қайтармақ болды, бірақ оның арты соғысқа ұласып кеткен еді. 1992-1994 жылдары болған қақтығыста Әзербайжан Таулы Қарабақ пен оған жақын орналасқан жеті ауданнан айырылып қалған болатын.

1994 жылы Әзербайжан, Армения және Таулы Қарабақ республикасы Ресейдің араласуымен уақытша бітімге келген. Бірақ сол уақыттан бері әскери әрекеттер тыйылмай келеді.

Табиғат Нұрболат

Фото: ria.ru