Жол картасы "Атамекен" ҚР ҰКП қатысуымен әзірленген. Бұл туралы палатаның баспасөз қызметі хабарлады, деп жазады inbusiness.kz.
Құжат шеңберінде өкілетті органда жеке сараптамалық ұйымдарды аккредиттеу бойынша мемлекеттік қызметті оңтайландыру және автоматтау жоспарланған.
"Цифрландыруды енгізу жеке сараптамалық ұйымдарды аккредиттеу мерзімдерін барынша қысқартуға, қызмет көрсету нысанын қағаздан электрондық форматқа көшіруге және электрондық ақпараттық форманы толтыру арқылы құжаттар тізімін оңтайландыруға мүмкіндік береді. Сараптамалық ұйымдар өз қызметтерін аккредиттеуді күтпей-ақ бір ай ішінде бастай алады", – деді "Атамекен" ҚР ҰКП Басқарма Төрағасының орынбасары Юлия Якупбаева.
Қазіргі кезде аккредиттеу мерзімі 30 күнтізбелік күнді құрайды, Жол картасы іске асырылғаннан кейін бұл процесті 2 сағатта аяқтауға жағдай жасалмақ.
Процесті трансформациялау шеңберінде адами факторды мүмкіндігінше алып тастау және жұмысты "Е-лицензиялау" порталына беру ұсынылды, мұнда өтінімдерді қабылдау, қарау және нәтиженің бағыты электрондық форматтағы мемлекеттік қызметтер жүзеге асырылатын болады. Сондай-ақ, жұмыс шеңберінде аккредиттеу үшін қажетті құжаттар тізімі қысқарады және жұмыстың қағаз форматы толығымен алынып тасталады.
