/img/tv1.svg
RU KZ
Сарбаздың басына оқ тиді

Сарбаздың басына оқ тиді

Әзірге оқтың қайдан, қалай атылғаны белгісіз.  

28 Қыркүйек 2020 22:57 289

Сарбаздың басына оқ тиді

Маңғыстауда 19 жастағы сарбаз Ақберен Кәрімов әскери бөлім маңында түйелерді қуып жүргенде басына оқ тиген, деп хабарлайды Аtameken Business.

Оқиға 4 күн бұрын болса да, әлі анықталмаған.  Ал, Ұлттық ұлан сотқа дейінгі тергеу амалдары жүріп жатқанын айтты. Маңғыстау облыстық ауруханасында сарбаз ауыр жарақат алмаған деп отыр. Бағына орай, оқ оның бас сүйегіне тимеген, тек теріден өтіп тұрып қалған дейді дәрігерлер.

Түркістан облысының әкімі 3 сағаттан соң ресми мәлімдеме жасады

Әкім Арыс қаласының дерлік көшірілетінін жеткізді. 

24 Маусым 2019 14:30 842

Өмірзақ Шөкеев сөзін әскери бөлімде жарылыстың бүгін сағат 09:20 кезінде басталғанын, қазір облыста төтенше жағдай жарияланғанынан бастады.

Оның айтуынша, жарылыс орнына жақын орналасқан барлық аудандар мен елдімекендерге жағдай туралы ескертілген.

Әкім оқиға орнына жеткеннен кейін жағдайдың ауқымына баға бере отырып, қаланы толығымен эвакуациялау керектігін анықтаған. Ол барлық бағыт бойынша көліктер өте алатындығын, тұрғындар арнайы лагерьлерге орналастырылатынын жеткізді.

Әрбір лагерьді аудан әкімдері басқарады.

«Қазір эвакуция мәселесі бар. Біз сонымен айналысып жатырмыз», – деді Өмірзақ Шөкеев.  

Президент Арыстағы жағдайдың салдарын шұғыл жою жөнінде тапсырма берді

Арыс қаласында жойқын жарылыс болып, жергілікті тұрғындарды эвакуациялауға тура келді.

24 Маусым 2019 13:49 1242

Мемлекет басшысы Қасым-Жомарт Тоқаев ІІМ басшысына және Түркістан облысының әкіміне Арыстағы төтенше жағдайдың зардабын шұғыл жою жөнінде тапсырма берді.

«Қорғаныс, Ішкі істер министрлеріне және Түркістан облысының әкіміне Арыс қ. әскери бөліміндегі оқ-дәрі қоймасында болған жарылыстың зардаптарын жою жөнінде шұғыл шаралар қабылдауды тапсырдым. Тұрғындардың қауіпсіздігін қамтамасыз етіп, жарылыстың себептерін анықтау қажет», – деп жазды Президент Тwitter-дегі парақшасында.

Еске сала кетсек, бүгін таңертең Арыс қаласындағы әскери бөлім аумағында жойқын жарылыс орын алып, жергілікті тұрғындар шұғыл көшірілді. Ордабасы аудандық орталық ауруханасынан және Облыстық клиникалық ауруханасында 200-ден астам науқасқа арналған орын дайындалды.