/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 435,65 Brent 36,55
Сәтбаев қаласында бұзақылық жасағаны үшін 15 адам ұсталды

Сәтбаев қаласында бұзақылық жасағаны үшін 15 адам ұсталды

Қазіргі уақытта тергеу амалдары жалғасуда.  

30 Шілде 2020 22:25 277

Сәтбаев қаласында бұзақылық жасағаны үшін 15 адам ұсталды

Сәтбаев қаласында бұзақылық жасағаны үшін 15 адам ұсталды, деп хабарлайды Atameken Business.

Оларға қылмыстық кодекстің үш бабы бойынша айып тағылды. Ұсталған азаматтар 24 шілде күні 5 жасар қызды зорлады деген күдікпен ұсталған адамды өз беттерімен жазалауға ұмтылып, полиция ғимаратына кіруге әрекеттенген. Сонымен қатар, жолдағы нысандарды қиратып, тұрғындарға біршама материалдық шығын келтірген, және сыртқы бейнебақылау камераларымен қызметтік көліктерді өртеген.

5 жасар қызды зорлады деген күдікпен ұсталды – Ерлан Тұрғымбаев

Министр жұртты әлеуметтік желідегі ақпаратқа сенбеуге үндеді.

24 Шілде 2020 11:31 565

5 жасар қызды зорлады деген күдікпен ұсталды – Ерлан Тұрғымбаев

Ішкі істер министрі Ерлан Тұрғымбаев Сәтбаев қаласындағы жантүршігерлік оқиғаның ресми нұсқасын ұсынды.

«23 шілде күні кешкі сағат 9.00-де Сәтпаев  қаласындағы Ішкі істер басқармасына 5 жасар қыздың жоғалғаны туралы арыз түсті. Дереу іздестіру шараларының нәтижесінде бірнеше сағаттан кейін бүлдіршін қаладағы бір үйден табылып, медицина қызметкерлерінің қолына тапсырылды. Дәл осы пәтерден күдікті ұсталып, ішкі істер органына берілді. Жас баланы зорлады деген күдікпен бір азамат қамауға алынды. Бірақ бірнеше адам күдіктіні өз қолдарына беруді талап етіп, жанжал шығарды. Бұзақылық жасап, полицейлерге қарсылық танытты. Тәртіпсіздікке жол бермеу үшін қосымша полиция күштері тартылып, жағдай бақылауға алынды. Бұл оқиға бойынша  бірнеше баппен қылмыстық іс тергелді. Тергеу амалдары жалғасуда», – деген Ерлан Тұрғымбаев шулы оқиғаларды үдетіп, тексерілмеген ақпарат тарату қылмыспен бірдей әрекет екенін еске салды.

«Елдегі қоғамдық тәртіп пен азаматтардың қауіпсіздігін қамтамасыз ету үшін полицейлер бар күшін жұмсайды. Құрметті журналистер, отандастар! Әлеуметтік желі арқылы тарап жатқан жалған ақпараттарға сенбеңіздер және оны таратпаңыздар. Тек ресми ақпаратқа сеніңіздер. ІІМ  үнемі мониторинг жүргізіп,  жағдайды бақылап отыр. Жалған, негізсіз ақпарат таратуға қатысты заңға сәйкес қылмыстық жауапкершілік қарастырылған», – деді ол.

Есжан Ботақара

Жамбыл облысында құжатсыз дәрі-дәрмек тасымалдаған жүк көлігі ұсталды

Аталған факт бойынша Қылмыстық кодекстің 214-бабы 1-бөлігіне сәйкес сотқа дейінгі тергеу ісі қозғалды.  

09 Шілде 2020 20:37 243

Жамбыл облысында құжатсыз дәрі-дәрмек тасымалдаған жүк көлігі ұсталды

Жамбыл облысында ілеспе құжатсыз тасымалданған дәрілік препараттар бар жүк көлігі ұсталды, деп хабарлайды Қаржы мониторингі комитетінің баспасөз қызметі.

Қаржы мониторингі комитетінің Жамбыл облысы бойынша Экономикалық тергеу департаментінің қызметкерлері облыстың ҰҚК ШҚ қызметкерлерімен бірлесіп атқарған жедел-іздестіру шаралары барысында Қордай ауданының «Қарасу» шекаралық бекетінде 29 жастағы қазақстандық басқарған жүк көлігін ұстады.

«Жүкті жолдаған фирма Қырғыз Республикасында тіркелген, ал қабылдаушы – РФ-ның кәсіпорны. Тексеріс барысында көлікті жүк салу бөлігінде сәйкес құжаттары бар халық тұтынатын тауарлардан басқа тауарлық-ілеспе құжаттарсыз тасымалданған дәрі-дәрмектер анықталды. Олардың ішінде 20-дан астам түрлі дәрілік заттар (500 қаптамадан «Парацетамол» және «Цитрамон», 1 750 дана «Фаниган», 240 қаптамадан «Спазмалгон» және «Седальгин», 200 қаптама «Лидокаин», 22 қорап «Тетрациклин», 9 қорап «Мукалтин және т.б.), 1 400-ден астам термометр болды», делінген хабарламада.

Аталған факт бойынша Қылмыстық кодекстің 214-бабы 1-бөлігіне сәйкес сотқа дейінгі тергеу ісі қозғалды.

«Одан басқа, рейд барысында Тараз қаласындағы дәріханалардың бірінде дәрігердің дәрі қағазынсыз және жоғары бағада дәрі препараттарын сату фактісі анықталды. Бұл бойынша материал заң бұзушыны жауапқа тарту үшін өкілетті органға жолданды», делінген хабарламада.