Бұл туралы inbusiness.kz Ұлытау облыстық әкімдігінің баспасөз қызметіне сілтеме жасап хабарлайды.
Әлеуметтік желілерде Сәтбаевтың қазандық мұржасынан (Жылу энергетикасы кәсіпорны) қою қара түтін шығып жатқаны туралы ақпарат пайда болды.
"Жылыту маусымы барысында қалада 4 қазандық жұмыс істейтінін хабарлаймыз. Осы уақыт ішінде барлығы 360 мың тонна көмір жұмсалады. Осыған байланысты көп мөлшерде түтін шығарылуы мүмкін. Атмосфераға зиянды шығарындылардың адам денсаулығына теріс әсеріне алаңдайтын белсенділердің ақпараты негізінде арнайы экологиялық тексеру жүргізіледі" делінген Ұлытау облысының әкімдігі таратқан хабарламада.
Тексеру нәтижелері жуырда жарияланады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
