Бала құқықтары жөніндегі уәкіл Аружан Саин өзінің Facebook-тегі парақшасында осындай жазба қалдырды. Айтуынша, ол "зорланды" деген сәбидің анасымен телефон арқылы сөйлескен.
"Осы оқиғаға қатысты сот-медициналық сараптама жүргізілді. Алдағы уақытта заң тұрғысында және психологиялық жағынан қандай шара қолданатымыз жайында сөйлестік. Бала құқықтары жөніндегі уәкіл ретінде мен бұл жағдайды толықтай өз бақылауыма аламын", – деді Саин.
Ол Ішкі істер министрі Ерлан Тұрғымбаевтан да осы жағдай бойынша ақпарат алғанын жеткізді. Сонымен қатар Саин Қарағанды облысы әкімінің орынбасары Абзал Нүкеновтен осы жанұяны ювеналды заңгермен қамтамасыз етуін сұраған.
"Сондай-ақ мен Нүкеновтен осы жағдайға білікті психологты жұмылдыруын сұрадым. Өйткені балаларға қатысты қылмыс бойынша психологтардың болуы міндетті. Біз балаларға зорлық көрсеткен әрбір жанның толықтай жазасын өтеуіне қол жеткіземіз", – деп жазды бала құқықтары жөніндегі уәкіл.
Табиғат Нұрболат
