Қарағанды облысының Сәтпаев қаласында екі қабатты тұрғын үйден шыққан өрттен бала қайтыс болды, деп хабарлайды ІІМ ТЖ комитетінің баспасөз қызметі.
Өрт таңертең бірінші қабаттағы пәтерден шықты жалын 8 шаршы метр аумақты шарпыған. Өртті сөндіру 1 сағаттай уақытты алған.
"Оқиға орнынан 2015 жылғы қыз баланың денесі табылды. Сондай-ақ иіс тиген 1988 жылғы әйел ауруханаға жеткізілді", – дейді ТЖ комитетінен.
Өрттің неден шыққаны қазір анықталу үстінде. Өртті сөндіруге Қарағанды облысының ТЖД жеке құрамының 22 қызметкері мен 6 техника өртке жұмылдырылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
