Сауд Арабиясының тақ мұрагері Мұхаммед ибн Салман Әл Сауд испандық "Барселона" футбол клубын сатып алу мүмкіндігін қарастыруда, деп жазады inbusiness.kz сайты.
Журналистің сөзінше, Сауд Арабиясының тақ мұрагері "Барселонаны" 10 млрд еуроға сатып алу туралы ұсыныс жасауға дайын.
Десе де, клуб мүшелері мұндай сатып алуға қарсылық танытып, тіпті кедергі келтіруі ықтимал. Себебі, клуб ондағы сайлау мен басқаруды қадағалап отырған мүшелерінің ортақ меншігінде тұр.
Франсуа Галлардо "Барселонаның" қазіргі уақытта қарызы 2,5 млрд еуродан асып кеткенін ашық жазған. Сондықтан, Мұхаммед ибн Салман Әл Саудтың клубты алу мүмкіндігі жоғары. Бірақ, кейбір спорт сарапшысы клубтың оған толық сатылмайтынын айтады. Яғни, белгілі-бір деңгейде акциясын иеленуі мүмкін.
Forbes мәліметінде испан клубының құны шамамен 5,6 млрд доллар делінген. Бұл арқылы ол әлемдегі ең қымбат 5 футбол командасының қатарына оп-оңай енеді.
