Нұр-Сұлтан қаласының бас санитарлық дәрігері Жанна Пірәлиева осыған қатысты қаулы әзірленіп жатқанын жариялады.
"Елордада байқалған коронавирус инфекциясы деңгейінің оң динамикасына қарамастан санитарлық-эпидемиологиялық талаптарды қатаң сақтау қажеттілігін атап айтқым келеді. Себебі карантин шараларын босаңсыту – кез келген уақытта аурудың өршуіне әкелуі мүмкін. Қызмет көрсетуге рұқсат берілген нысандарда санитарлық нормалардың талаптарын субъектілер ғана емес, келушілер де қатаң сақтауы керек", – деді Жанна Пірәлиева.
Бас санитарлық дәрігер елордадағы сауда ойын-сауық орталықтары 20 мамырдан бастап ашылатынын айтты.
"Қаладағы эпидемиологиялық жағдайды ескере отырып, ведомствоаралық комиссияда 2020 жылдың 20 мамырынан бастап біздің қалада сауда ойын-сауық орталықтарының (оның ішінде ойын-сауық және ойын орталықтарынсыз, фудкордсыз, кинотеатрсыз) және қоғамдық моншалардың (сауналардың бассейнсіз), азық-түліктік емес сауда орталықтары мен сауда үйлерінің жұмысын қайта бастау жұмысы жүргізіліп жатыр. Осыған қатысты қалалық бас мемлекеттік санитарлық дәрігердің қаулысы дайындалып жатыр", – деді Жанна Пірәлиева
Қанат Махамбет
