Инвесторлардың саудиялық Saudi Aramco компаниясының акцияларын сату үшін бастапқы жария ұсынуға деген сұранысы 20 млрд долларға жетті. Бұл туралы Reuters агенттігі хабарлады.
Ал институционалды инвесторлардың компания IPO-на қатысуға деген сұранысы 17,1 млрд доллар.
Жеке инвесторлардың үлесіне 2,7 млрд доллар тиесілі.
Жарияланған деректер әлі де өзгеруі мүмкін. Өйткені Saudi Aramco IPO-на институционалды инвесторлардың жазылуы 4 желтоқсанға дейін, ал жеке инвесторлардыкі 28 қарашаға дейін жүргізіледі.
Акцияларды сатудың негізгі бағасы шамамен 30-32 риал, яғни бір акцияның құны 8,1-8,6 доллар.
Saudi Aramco IPO аясында өз акцияларының 1,5%-ын жергілікті Tadawul биржасында шамамен $ 24,3-25,9 млрд бағамен орналастыруға ниетті, бүкіл компанияның құны осылайша $ 1,6-1,7 трлн болмақ.
Табиғат Нұрболат
