Орталық коммуникациялар алаңында өткен брифингте ҚР Денсаулық сақтау бірінші вице-министрі Марат Шоранов вакцинация жүргізу барысы туралы сөз қозғады. Оның айтуынша сәуірден бастап екпе салуға жататын адамдар санаттары кеңейтілді, деп хабарлады inbusiness.kz порталы.
"Коронавирустық инфекцияға қарсы вакцинация жалғасуда. Кестелерді жергілікті атқарушы органдар жасайды. Бүгінгі таңда бірінші компонентпен 435 мың азамат егілді, екінші компонентпен – 107 мыңнан астам қазақстандық егілді. Сәуір айының басынан бастап өңірлерге "Спутник V" вакцинасының 923 мыңнан астам дозасы жеткізілді, сәуір айының соңына дейін 910 мың доза, басқа өндірушілердің 500 мың дозасы және 25 мың "QazVac" вакцинасын жеткізу күтілуде. Бұл елдің шамамен 2 млн азаматына вакцинациялаудың қолжетімділігін қамтамасыз етеді", – деді Марат Шоранов.
