Finprom.kz басылымының хабарлауынша, "7-20-25" мемлекеттік бағдарламасының несие беру көлемі маусымда қалпына келген. Орташа есеппен алғанада бұл бағдарлама бойынша 3 өтінімнің 2-еуі мақұлданады екен. Бірақ екінші деңгейлі кей банктер 10 үміткердің 9-ына қарыз беріп жатыр.
Сәуірде берілген ипотекалық қарыз көлемі 17,9 млрд теңге болды. Көрсеткіш наурыздағымен салыстырғанда 66,7%-ға төмен. Ал 2019 жылдың сәуіріндегі көрсеткіштен 71,2%-ға кем. Яғни бұл – 2016 жылдан бергі ең төменгі көрсеткіш.
Бүгінгі таңда 40 мың қазақстандық отбасы "7-20-25" және "Баспана Хит" бағдарламасы арқылы тұрғын үй сатып алған. Бағдарламаға қатысатын банктердің қатарында Банк ЦентрКредит, АТФБанк, Халық Банк, Сбербанк, Еуразиялық Банк, Bank RBK, Jýsan Bank и ForteBank бар.
Еске сала кетсек, премьер-министр Асқар Мамин ауданы15 млн шаршы метр тұрғын үйлерді биыл тұрғызуға тапсырма берген еді. Өткен жылы 13,1 млн шаршы метр қолданысқа берілген болатын.
Табиғат Нұрболат
