Сәуле Қисықова: Қытай дәрігерлеріне ақша төлемейміз

Сәуле Қисықова: Қытай дәрігерлеріне ақша төлемейміз

Қытайдан келген дәрігерлер 15 күнде еліміздің 3 қаласында көмек көрсетеді. 

10 Сәуір 2020 17:04 172

Сәуле Қисықова: Қытай дәрігерлеріне ақша төлемейміз

Коронавируспен күресте отандық мамандарға ақыл-кеңес айтып, тәжірибесімен бөлісу үшін арнайы келген қытайлық мамандар қызметі үшін ақша ала ма? Онлайн брифинг барысында Денсаулық сақтау министрлігі өкіліне осындай сауал қойылды. 

«Қазір Қытайдан келген мамандар Нұр-Сұлтан қаласындағы қонақүйге орналасып жатыр. Олар тәжірибесімен тегін бөліспек. Екі мемлекет басшылары телефон арқылы сөйлескенде осылай келіскен болатын. Соған сәйкес жұмыс атқарылып жатыр», – деді Сәуле Қисықова.

Ал Денсаулық сақтау министрлігінің қоғамдық денсаулық сақтау департаментінің директоры Мағрипа Ембергенова қытайлық мамандардың елімізде 15 күн болатынын, Алматы, Нұр-Сұлтан, Қарағанды қалаларының әрқайсында 5 күннен көмек көрсетінін айтты. 

Есжан Ботақара

inbusiness.kz-ті қараңыз, оқыңыз :

Сәуле Қисықова қарттар үйінің коронавирус ошағына айналуына қатысты пікір білдірді

Орталықтағы 35 қарт адам коронавирустан емделіп жатыр.

10 Сәуір 2020 17:40 159

Сәуле Қисықова қарттар үйінің коронавирус ошағына айналуына қатысты пікір білдірді

Ақмола облысының Целиноград ауданына қарасты Аққайың ауылында орналасқан «Шапағат» арнаулы медициналық әлеуметтік қызмет көрсету орталығының бір қызметкері мен 35 тұрғыны індет жұқтырған. Бұл туралы  Денсаулық сақтау министрлігінің қоғамдық денсаулық сақтау департаментінің директоры Мағрипа Ембергенова онлайн-брифингте айтты.

«16 наурызда карантин жарияланған кезде орталықта орташа жасы 75-ті құрайтын 148 адам қамқорлықта болған. Қызмет көрсетуші 74 адамның 50-і еңбек демалысы мен қашықтан жұмыс істеуге жіберілген болатын. Өкінішке қарай, 2 сәуірде 1947 жылы туған бір тұрғын қайтыс болды. Ал 6 сәуірде 1929 жылы туған тұрғын көз жұмды. Екеуінде КВИ белгілері байқалмаған, инфекция қайтыс болғаннан кейін бірақ анықталды. Осыған байланысты Ақмола облысын бойынша тауарлар мен қызметтердің сапасы мен қауіпсіздігін бақылау департаменті санитарлық-эпидемиологиялық тексеру жүргізді. Орталықтың тұрғындары мен қызметкерлерінен сынамалар алынды. Диагностика қорытындысы бойынша 36 адамның диагнозы расталды. Оның біреуі қызметкер. Барлық науқастар инфекциялық стационарға жатқызылды. Медициналық бақылау жүргізіп отырмыз», – деді ол. 

Нұр-Сұлтан қаласының қоғамдық денсаулық сақтау басқармасының басшысы Сәуле Қисықова қарттар үйінің індет ошағына айналуын еліміздің бас санитарлық дәрігері шығарған хаттаманың бұзылуы деп кесіп айтуға әлі ерте деген пікір айтты. 

«Хаттаманың сақталмауы деп айтуға әлі ерте. Мамандармен жұмыс жүргізіп жатырмыз. Тексерудің қорытындысы бойынша ақпарат береміз. Қазір ондағы тұрғындардың бәріне зерттеме жүргізіп жатырмыз. Науқастарға керекті ем көрсетіліп жатыр», – деді ол.

Есжан Ботақара

Коронавирус жұқтырған науқаспен келген 6 азамат басқа аймаққа кетті

Коронавирус жұқтырған азаматпен бірге 90 жолаушы Нұр-Сұлтанға ұшып келген.  

13 Наурыз 2020 21:19 230

Коронавирус жұқтырған науқаспен келген 6 азамат басқа аймаққа кетті

Олардың алтауы еліміздің басқа аймақтарына кетіп қалған. Бұл туралы Орталық коммуникациялар қызметінде өткен баспасөз мәслихатында Нұр-Сұлтан қаласы қоғамдық денсаулық сақтау басқармасының басшысы Сәуле Қисықова мәлімдеді.

«Ұшақта 90 жолаушы болды. Нұр-Сұлтан қаласы бойынша біз 84 адамды бақылап отырмыз. Жолаушылардың арасында елімізге іссапармен келген шетелдік азаматтар да бар. Ал өзге 6 азаматпен өңір  жұмыс істейтін шығар», – дейді ол.

Жаңалықтарға жазылу: