Табиғи апатқа байланысты жүздеген адам Санториниден паром арқылы бой тасалаған, деп хабарлайды inbusiness.kz сайты.
Грекия билігі аралға құтқарушылар мен дәрігерлерді жібергенін Euronews жазған еді.
– Дүйсенбі күні таңертең Санториниде Рихтер шкаласы бойынша 4 баллдан асатын алты жер сілкінісі тіркелді, ал Аморгос аралында магнитудасы 4,9 болды, – деп хабарлады жергілікті билік.
Билік екі аралдың кейбір жағалау аймақтарына, соның ішінде жартастарға жақын орналасқан ескі портқа кіруді жауып тастаған. Мұның бәрі келушілердің қауіпсіздігі үшін жасалып отыр.
Жексенбіден дүйсенбіге қараған түні бойы жалғасқан жер сілкінісінің жиілігі тұрғындарды қатты алаңдатқан. Сақтық шарасы жауаптылар ретінде мектептерді жабуды бұйырған және аралға жедел жәрдем көлігін жіберген.
Жалпы, жарты ай тәрізді Санторини аралы – күн сайын коммерциялық рейстер, паромдар мен круиздік кемелер келетін аймақтың негізгі туристік орны. Аралға бір жылда 3 миллионнан астам туристтің табаны тиеді.
