Германиядан саяси баспана алудан үмітті 50-ге жуық Ауғанстан азаматы елдеріне қайтарылды, деп хабарлайды АП агенттігі.
Неміс тарапы ұйымдастырған чартерлік рейс бейсенбі күні Франкфурттан Кабулға келіп қонды.
Мұның алдында саяси баспана ұсынудан бас тартылғандарға Германия өз еркімен Ауғанстанға кеткен жағдайда қаржылық қолдау ұсынған. Осылайша ГФР-дан биыл 3 мыңға жуық адам кетіп қалған. Дегенмен елден шығарып жіберуге ордер берілген 12,5 мың адам әлі де Германияда жүр.
Канцлер Ангела Меркель Германия үкіметі саяси баспана беруден бас тартылған босқындарды елдеріне қайтару шараларын күшейтуге тиіс деп мәлімдеген болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
