Гонконгтағы тұрақсыздық салдарынан инвестициялық қорлар 5 млрд доллар капиталды алып кеткен, деп хабарлады Англия банкі.
Банктің есебінде капиталдың жылыстауы сәуір айында Гонконг билігінің қылмыс жасады деген күдіктілерді Қытайға беру туралы заң қабылдау мүмкіндігін айтқан кезден басталған.
Goldman Sachs сарапшыларының қазан айындағы есебінде маусым мен тамыз аралығында 4 млрд доллар депозиттің Гонконгтан Сингапурға кеткені туралы айтқан еді.
"Гонконгтың ірі қаржы орталығы екенін ескерсек, бұл саяси жағдай үлкен қатері бар", -дейді Англия банкінің есебінде.
Гонконгтың ақша кредиттік басқармасы мен Қытайдың Ұлттық банкі бірнеше рет капталдың жылыстауы болмағанын мәлімдеген еді. Анлия банкі болса, мұның растығын айтып отыр. Өйткені HSBC мен Standard Chartered сынды банктердің Гонконгта болуына байланысты елдегі жағдайды мұқият бақылауда.
Айта кетейік, Гонконг билігі шиеленісті жағдайды әлі тоқтата алмай отыр.
"Мәселе әлі шешілген жоқ. Біз бұл бағытта күш жұмылдыруымыз керек. Сонымен қатар, тамыры тереңге кеткен мәселені шешуіміз де керек", -деді Гонконг әкімшілігінің бас хатшысы Мэттью Чун журналистерге берген сұхбатында.
Гонконг әкімі Кэрри Лэм болса Бейжіңде Си Цзиньпинмен, ҚХР МЕмлекеттік кеңесінің премьері Ли Кэцянмен кездесіп жағдайды баяндаған.
