"Біздегі комиссия мен оның беретін қорытындысы қуатты әрі жойқын жер сілікіністеріне арналған. Ең бірінші осыны ескеру керек. Бір жылдың ішінде Алматы қаласы, Алматы облысында жылына 600-ге дейін сейсмикалық жағдайларды тіркейміз. Оның шамамен жылына 10-15 қана сезіледі", – дейді Дәулет Сәрсенбаев.
Сонымен қатар, сейсмолог комиссия орта мерзім деңгейінде қысқа мерзімді жағдайда бір апталық, ұзақ мерзімді жағдайда бір жылға болжам жасайтынын жеткізді.
"Біздің комиссияның жасаған болжамы орындалмайды деудің өзі дұрыс емес. Өздеріңіз білесіздер сейсмикалық жағынан қауіпті аймақта тұрамыз. Алматы ғана емес, Алматы облысы, Жетісу, Жамбыл облысы да, көршілес Қытай, Қырғызстан да сейсмикалық тұрғыда қауіпті аймаққа жатады. Біздің аймақта жер сілкінген, сілкінді, сілкіне де береді. Сейсмикалық жағдайлар тіркеле береді, – деді ол.
