Бұл туралы Абай облысының өңірлік коммуникациялар қызметінде өткен брифингінде облыстық ауыл шаруашылығы және жер қатынастары басқармасының басшысы Анзор Абаев мәлімдеді, деп хабарлайды inbusiness.kz Semeynews.kz-ке сілтеме жасап.
"Бекітілген бас жоспарға сәйкес Семей бойынша жеке тұрғын үй құрылысы үшін жалпы ауданы 4 574,2 га болатын 12 тұрғын үй алабы қарастырылған, олардың құрылысына инженерлік желілермен және құралдармен қамтамасыз етілуіне қарай тұрғын үй алаптары 3 кезеңге бөлінген", - деді Анзор Абаев.
I кезең – ИКҚ-мен қамтамасыз етілген құрылыс аймақтары (2 тұрғын массиві – "Ұшақтар", "Комсомол");
II кезең – ИКҚ қамтамасыз ету үшін ең аз қаражат салуды талап ететін құрылыс аймақтары ("Ақсай" тұрғын массиві);
III кезең – ИКҚ қамтамасыз ету үшін үлкен күрделі салымдарды талап ететін құрылыс аймақтары (9 тұрғын массиві).
