Семей қаласы тұрғынының интимді фотосын таратамын деп 1 млн теңге сұраған адам ұсталды.
Абай облыстық Полиция департаменті баспасөз қызметінің мәліметінше, ұйымдасқан қылмысқа қарсы күрес басқармасының қызметкерлері әйел адамнан ақша бопсалаған Семей қаласының тұрғынын ұстады.
"Ол шілде айының ортасынан бастап танысының интимдік фотоларын таратамын деп, 1 млн теңге бопсалап келген. Тергеу барысында одан 150 000 теңге тәркіленді", - дейді басқарма басшысының орынбасары Әсет Шахантаев.
Қазір аталған факті бойынша ҚР Қылмыстық Кодексінің 194-бабы 1-бөлігімен (Бопсалау) сотқа дейінгі тергеу амалдары жүргізіліп жатыр. Күдікті 4 жылға дейінгі мерзімге бас бостандығынан айырылуы мүмкін.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
