Polisia.kz мәліметінше, 43 жастағы жергілікті тұрғын қаңтар айының соңында бейтаныс адам оның сеніміне кіріп, алаяқтық жолмен 600 мың теңге сомасында қаражатын иемденгенін хабарлаған.
Жәбірленушінің айтуынша, алаяқ диплом алуға көмектесемін деп уәде беріп, қолына ақша түскен соң “ізін суытқан”.
"Жедел-іздестіру іс-шараларын жүргізу нәтижесінде тәртіп сақшылары күдіктінің жеке басын анықтаған. Күдікке ілінген 55 жастағы ер адам жұмыссыз екені белгілі болды. Жауап алу барысында ол кінәсін мойындап, қаражатты өз қажеттіліктеріне жұмсағанын айтқан", деді облыс ПД бастығының орынбасары Нариман Күлдіков.
Алаяқтық дерекке қатысты ҚР ҚК- нің 190-бабы 1-бөлігі (Алаяқтық) бойынша сотқа дейінгі тергеу жүргізіліп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
