Семейдегі Ядролық медицина және онкология орталығының мамандары екі күннің ішінде 21 адамнан обыр дертін анықтады. Тағы 54 тұрғынның диагнозы нақтылану үстінде, деп хабарлайды altaynews.kz.
Семейде 8-9 ақпан күндері өңірлік Онкологиялық диспансердің ашық есік күнінде 300-ге жуық тұрғын келіп, тексерілген екен. Нәтижесінде онколог дәрігерлер 21 адамнан рак ауруын анықтады. Тағы 54 тұрғыннан аталмыш аурудың белгілері табылған. 242-сінен басқа ауру түрлері анықталыпты.
Мамандардың айтуынша, обыр 50-ден асқан адамдар арасында жиі кездеседі. Бұған адамдардың дәрігерге сирек қаралуы себеп болатын көрінеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
