Семей қаласында отандық тауар өндірушілердің және құрылыс индустриясындағы дистрибьюторлар жәрмеңкесі өтіп жатыр. Оған 30-дан астам құрылыс компаниясы, оның ішінде 3 дистрибьютор және 10-ға жуық отандық тауар өндірушілер қатысты.
Жәрмеңкенің мақсаты – құрылыс саласындағы кәсіпкерлерге өзара тәжірибе алмасуға және жаңа серіктес табуға бірегей мүмкіндік беру.
Жәрмеңкеде әртүрлі құрылыс материалдар, оның ішінде құм-әк кірпіші, асбест-цемент және темірбетон бұйымы, электр сымы мен кабелі, құрғақ құрылыс қоспасы мен бояулар, цемент, табиғи тастар, тас өңдеу зауыты ұсынған әктас, мәрмәр, гранит және т.б. ұсынылды.
Сондай-ақ, ауқымды іс-шараға отандық тауар өндірушілер, арнайы аяқ киім шығаратын Семей аяқ киім фабрикасы да белсенді қатысып жатыр.
Бұдан бөлек жәрмеңкеде тұрғындар мен келушілер құрылыс материалдарын қолжетімді бағада сатып алу мүмкіндігі бар.
