Соңғы

Семейде қараусыз жүрген малдар айып тұрағына қамала бастады

Данияр Өміржан

29.08.23, 17:10 774

Қалада соңғы кезде иесіз жүрген жылқы мен сиыр көбейіп кеткен.

Семейде қараусыз жүрген малдар айып тұрағына қамала бастады

Фото: inbusiness.kz

>Малдар қаладағы саябақтарда көгалға жайлып, тіпті жол үстіне шығып кету жиілеген. Мұндай жағдай қайталана бергендіктен қала әкімі арнайы комиссия құрып қала аумағында қараусыз жүрген түлікті арнайы орынға қамауға тапсырма берген.

Осыдан кейін тәртіп сақшылары, әкімшілік мамандарымен бірлесіп қаланың қақ ортасында емін-еркін жайлып жүрген 4 бас жылқыны айып тұрағына қамаған.

Қоғамдық орындарда жайлып жүрген сиыр мен жылқы енді қожайыны табылғанша арнайы орынға қамалатын болады. Кейін иесіне анықталған соң хаттама толтырылып, айыппұл салынады, -дейді Жергілікті полиция қызметінің басшысы Елдос Оразалин.

Айыппұлмен қатар, иесі малды ұстау мен тасымалдауға кеткен шығындарды да толық өтеуге міндеттелмек.