Семейде полиция рейд кезінде алкогольдік масаң күйде көлік басқарған жүргізушіні анықтады, деп хабарлайды inbusiness.kz сайты.
Оқиға сағат 12:40 шамасында болған. Полиция қызметкерлері Chevrolet Cobalt автокөлігін тоқтатып, 53 жастағы жүргізушіні тексерді. Медициналық куәландыру нәтижесінде оның орташа дәрежедегі алкогольдік масаң күйде болғаны анықталды.
Полиция мас күйде көлік жүргізу жүргізушінің өзіне ғана емес, жолдағы басқа адамдардың өміріне де қауіп төндіретінін ескертті.
Құқық бұзушыға қатысты заңнамаға сәйкес шаралар қабылданады.
Полиция азаматтарды ішімдік ішкеннен кейін көлік тізгініне отырмауға шақырды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
