Семейде суға шомылуға кеткен 21 жастағы жігіт 3 күннен бері үйіне қайтып оралмады. Жоғалған жігітті полиция мен сүңгуірлер іздестіріп жатыр, деп хабарлайды inbusiness.kz тілшісі.
Жас жігіт соңғы рет 5 маусымда "Заря" жағажай аймағында көрінген. Содан кейін хабарсыз кеткен.
Абай облысының Төтенше жағдайлар департаментінің баспасөз қызметі қазір іздеу жұмыстары белсенді жүргізіліп жатқанын хабарлайды.
"Құтқарушылар мен сүңгуірлерден басқа іздеуге 68303 әскери бөлімінің әскери қызметшілері мен еріктілер тартылды", − деп хабарлады ведомствоның баспасөз қызметі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
