Сенат адвокаттық қызмет және заң кеңесі туралы заң жобасын мәжіліске кері қайтарды, деп хабарлайды Аtameken Business . Сенаторлар адвокатты өмір бойына лицензиясынан айыру нормасын алып тастауды ұсынып отыр. Алайда құқыққорғаушылардың ашуына тиген норма алынып тасталмады. Адвокаттар республикалық алқаға ай сайын кемі бір айлық есептік көрсеткіш мөлшерінде жарна аударуға міндеттелмек. Бірақ бұл ереже 2026 жылы күшін жоймақ. Бұған дейін белгілі құқыққорғаушы Айман Омарова жарналардың қайда жұмсалып жатқаны белгісіз, жұмыс ашық жүргізілмейтіндігіне шағымданған болатын. Осы орайда Сенат қаржылық есеп беруді міндеттеуді ұсынып отыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
