Сенаторлар ант қабылдады

649

Депутаттар халыққа адал қызмет етуге уәде берді.  

Сенаторлар ант қабылдады

"Қазақстан халқына адал қызмет етуге, Қазақстан Республикасының тұтастығы мен тәуелсіздігін нығайтуға, Конституция мен оның заңдарын қатаң сақтауға және оған бағынуға, маған жүктелген депутаттың міндеттерін адал орындауға ант етемін!" Бүгін "су жаңа" сенаторлар осылай деп ант қабылдады. 

Естеріңізге салайық, биыл 13- тамызда Орталық сайлау комиссиясы
парламент сенаты депутаттарын сайлау қорытындысын жариялап, сайланған 17 депутаттың 5-і әйел адам болғанын мәлімдеді. 

Дауыс берудің қорытындысы бойынша төмендегі тұлғалар Парламент Сенатының депутаты болып сайланды: Ақмола облысынан – Бекенов Нұрлан Жексембайұлы, 1961 жылы туған, Ақмола облысы бойынша Тексеру комиссиясының төрағасы; Ақтөбе облысынан – Қаниев Бауыржан Нұралыұлы, 1958 жылы туған, Ақтөбе облысы Шалқар ауданының әкімі; Алматы облысынан – Дүйсембинов Сұлтан Мырзабекұлы, 1959 жылы туған, Алматы облыстық мәслихатының хатшысы; Атырау облысынан – Лұқпанов Сағындық Есенғалиұлы, 1960 жылы туған, "Kazakhstan Petrochemical Industries Inc." ЖШС басқарушы директоры-басқарма мүшесі; Шығыс Қазақстан облысынан – Булавкина Ольга Александровна, 1972 жылы туған, Бородулиха ауданының әкімі; Жамбыл облысынан – Орынбеков Бекболат Серікбекұлы, 1957 жылы туған, Жамбыл облысы әкімінің бірінші орынбасары; Батыс Қазақстан облысынан – Рысбекова Ләззәт Тұяқбайқызы, 1976 жылы туған, "Орал гуманитарлық колледжі" ЖМ қаржы директоры; Қарағанды облысынан – Ершов Сергей Михайлович, 1960 жылы туған, Қазақстан Республикасы Парламенті Сенатының депутаты; Қостанай облысынан – Карплюк Сергей Алексеевич, 1968 жылы туған, Қостанай облысы әкімінің орынбасары; Қызылорда облысынан – Әлназарова Ақмарал Шәріпбайқызы, 1971 жылы туған, "Nur Otan" партиясының облыстық филиалы төрағасының бірінші орынбасары; Маңғыстау облысынан – Алдашев Сүйіндік Тасеменұлы, 1963 жылы туған, "Қаражанбасмұнай" АҚ бірінші вице-президенті; Павлодар облысынан – Нұхұлы Алтынбек, 1962 жылы туған, Павлодар мемлекеттік педагогикалық университетінің ректоры; Солтүстік Қазақстан облысынан – Перепечина Ольга Валентиновна , 1967 жылы туған, Қазақстан Республикасы Парламенті Сенатының депутаты; Түркістан облысынан – Бектаев Әли Әбдікәрімұлы, 1962 жылы туған, Қазақстан Республикасы Парламенті Сенатының депутаты; Нұр-Сұлтан қаласынан – Күрішбаев Ақылбек Қажығұлұлы, 1961 жылы туған, "С.Сейфуллин атындағы Қазақ агротехникалық университеті" АҚ басқарма төрағасы; Алматы қаласынан – Мәкежанов Сұлтанбек Алмасбекұлы, 1961 жылы туған, Алматы қаласы Медеу ауданының әкімі; Шымкент қаласынан – Қапбарова Айгүл Жарылқасынқызы, 1975 жылы туған, Қазақстан Республикасы Парламенті Сенатының депутаты.

Қанат Махамбет

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу