Сербия президенті Александр Вучич 25 қазанда өтетін мерзімінен бұрынғы парламент сайлауы қарсаңында отставкаға кетті, деп хабарлайды inbusiness.kz сайты Анадолы агенттігіне сілтеме жасап.
Бұл сайлауда ол биліктегі Серб прогрессивті партиясы атынан премьер-министр лауазымына өз кандидатурасын ұсынады. Вучич екінші президенттік мерзімі кезінде қызметінен кетіп отыр, себебі конституция бойынша үшінші мерзімге сайлана алмайды. Ол бұл қызметке 2017 жылғы 31 мамырда келіп, 2022 жылдың сәуірінде қайта сайланған болатын. Оның екінші президенттік мерзімі 2027 жылдың ортасында аяқталуы тиіс еді. Жаңа президент сайланғанға дейін бұл міндетті парламент төрағасы Ана Брнабич уақытша атқармақ.
"Мен осы екі президенттік мерзім бойы сіздерге адал, шынайы және абыроймен қызмет еттім", – деді Вучич.
Басылымның жазуынша, Александр Вучичтің отставкасы студенттер ұйымдастырған наразылық акцияларымен тұспа-тұс келіп отыр. Сербия парламенттік және мерзімінен бұрын президент сайлауын өткізуге дайындалу үстінде. Ел заңнамасына сәйкес, президент сайлауы Вучич отставкаға кеткеннен кейін үш ай ішінде өтуі тиіс.
