ТМД Парламентаралық Ассамблеясының бақылаушылар миссиясы Сербиядағы сайлауда өрескел заң бұзушылықтарды анықтаған жоқ. Бұл туралы inbusiness.kz сайты Сербияның Белград Б92 станциясына сілтеме жасап хабарлайды.
"Ресей Федерациясы Федерация Кеңесінің мүшесі және ТМД Парламентаралық Ассамблеясының Бақылау миссиясының басшысы Дмитрий Василенко миссияның Сербияға Республикалық сайлау комиссиясының шақыруымен келгенін мәлімдеді. Сонымен қатар, миссия өкілдері Белградтағы 17 сайлау учаскесінде сайлау барысын бақылап, өрескел заң бұзушылықтарды тіркеген жоқ", - деп хабарлайды радиостанция.
Айта кетейік, 17 желтоқсан күні Сербия астанасы Белград қаласында Ұлттық ассамблеяға (ел парламенті), сондай-ақ, Воеводина автономиялық облысының ассамблеясына және 65 жергілікті заң шығарушы ассамблеяға мерзімінен бұрын сайлау өткізілді.
