Бұл туралы Қазақстан спортшылары одағы" РҚБ facebook-парақшасында жазды.
"Заманауи мәселелерді жан-жақты шешу, проблемаларды талдау және шаралардың уақтылы орындалуы үшін одақ президиум құру туралы шешім қабылдады. Онда барлық өзекті мәселелер алқалы түрде шешілетін болады.
"Қазақстан спортшылары одағы" РҚБ жалпы жиналысының шешімімен жарғының 5.2 және 5.9-тармақтары негізінде Серік Сәпиевті Қазақстан спортшылары одағы Президиумының төрағасы етіп тағайындау шешілді", - делінген хабарламада.
Қазақстан спортшылары одағынан мәлім еткендей, бірлестік жұмысы жаңа деңгейге көтерілуде.
"Шешім қабылдау функционалды топтың қатысуын, сондай-ақ спорт және басқа да саладағы көптеген мамандар мен сарапшылардың тәжірибесін талап етеді.
Спорт ұзақ уақыт бойы күш пен реакцияның ерекшелігі болудан қалды, ол әдіснама, ғылым және психология арасындағы күрес болып отыр", - делінген одақ хабарламасында.
