Кездесу барысында өзекті мәселелер ортаға салынды. Мысалы, мал шаруашылығы және егін шаруашылығымен айналысатын Петр Лазарев "Лазарев и К" ЖШС-нің шаруа қожалығында жайылымдық жерлердің жетіспеуін, ал "Новая Заря" шаруа қожалығы білікті мамандардың жоқтығын жеткізді.
"Е.Зайтенов" қожалығы өсімдік, сүтті мал шаруашылықтарымен, өнімді терең өңдеумен айналысады. Мұнда күнбағыс, бидай, арпа, сүрлемге жүгері, көпжылдық шөптер өсіріліп, шұжық пен ірімшіктің түрлері өндіріледі.
Серік Жұманғариннің сөзінше, бұл шаруашылақты кеңейте түсіп, ірімшік цехын ұлғайту маңызды. Бұдан бөлек ол "Северный" сауда-логистикалық орталығында өткен ауылшаруашылық жәрмеңкесінде сатылатын өнімдердің ассортименті мен бағасымен танысты. Бұдан басқа Премьер-Министрдің орынбасары "JOLAMAN" ірі сауда-логистикалық орталығына да барды.
Ақпаратқа сәйкес, Серік Жұманғарин "Красный партизан" қожалығын, голланд технологиясы бойынша картоп, басқа да көкөніс түрлері мен жемшөп дақылдары өсірілетін "Приречное" агрофирмасын аралады.
"Мемлекеттің алдағы жылдарға арналған ауыл шаруашылығындағы мақсаты – ішкі нарық қажеттілігі толық жабылғанға дейін негізгі азық-түлік өнімдерін өндіру көлемін ұлғайту, ал болашақта – экспортқа шығу", - деді ол.
