Еліміздегі карантин шараларының 2 тамызға дейін созылуына байланысты хоккейден Қазақстан Президентінің кубогі өтпейтін болды, деп хабарлайды Olympic.kz.
"ҚР Премьер-министрі Асқар Маминнің еліміздегі карантин шараларын 2 тамызға дейін созу туралы ресми мәлімдемесінен кейін "Барыс" хоккей клубы маусым алдындағы жиынның 3 тамызға ауыстырылғанын хабарлайды. Сондай-ақ, тамыздың алғашқы күндерінде өтуі тиіс Қазақстан Президентінің кубогі турнирі биыл ұйымдастырылмайды. Мұндай қадамға баруға еліміздегі эпидемиологиялық жағдай себеп болып отыр", – делінген клубтың ресми сайтында.
Еске сала кетейік, карантин шараларының күшейтілуіне байланысты олимпиадалық спорт түрлерінен Қазақстан құрама командасы жаттығу жиындарын тоқтатты.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
