Түркістан облысындағы Шардара СЭС-інде станцияны ауқымды жаңғырту аясында екінші гидроагрегат іске қосылды, деп хабарланды "Самұрық-Энерго" АҚ-дан.
Орнатылған 4 агрегаттың бәрін де ауыстыру көзделген, жобаның жалпы құны – 38 млрд теңге. Жобаның мердігері – австриялық-германиялық Andtitz Hidro GmbX компаниясы.
Станцияның технологиялық жабдығы 50 жылдан астам уақыт бойы пайдаланылып келеді, жаңғырту жобасының басталуына қарай ол 100%-ға жуық тозығы жеткен. Жүргізіліп отырған қайта құру нәтижесінде су электр станциясының қызмет ету мерзімін 35-40 жылға ұлғайтып, пайдалану сенімділігін арттыруға мүмкіндік туады. Одан тыс, энергия тапшылығын сезініп отырған Түркістан облысын электр энергиясымен қамтамасыз етуде және өңірдегі су ресурстарын пайдаланудың тиімділігін арттыруда жоба үлкен маңызға ие.
