Өзбекстан Президенті Шавкат Мирзиёев Орталық Азия елдерінің ID-карталарын өзара тану туралы ұсыныс тастады. Бұл туралы ол Орталық Азия мемлекеттері басшыларының консультативтік кездесуінде айтты, деп хабарлайды inbusiness.kz сайты.
"Туристік алмасуды кеңейту мақсатында ұлттық ID-карталарды өзара тануды және "Бір тур – бүкіл өңір" принципі бойынша жаппай туристік өнімдерді әзірлеу мәселесін зерделеуді ұсынамыз", - деді Өзбекстан басшысы.
Бұдан бөлек Шавкат Мирзиёев туристік индустрия аймақтағы серіктестіктің жаңа драйверіне айналғанын баса айтты.
Айта кету керек, осыған ұқсас жүйе Қырғызстан мен Өзбекстан арасында іске қосылған. 2023 жылғы 1 қыркүйектен бастап екі ел азаматтары төлқұжат көрсетпей, ID-карталарын пайдаланады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
