/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 376,04 Brent 36,55
Шегіртке шапқыншылығы Африкадағы аштыққа себеп болуы мүмкін

Шегіртке шапқыншылығы Африкадағы аштыққа себеп болуы мүмкін

Зиянкестер әлемге апат төндіріп тұр.

29 Мамыр 2020 16:30 179

Шегіртке шапқыншылығы Африкадағы аштыққа себеп болуы мүмкін

Фото: reuters.com

Ауыл шаруашылығы министрлігі агроөнеркәсіп кешеніндегі мемлекеттік инспекция комитетінің төрағасы Алмабек Марстың мәлімдеуінше, Африка соңғы 25 жылдағы ең ірі шегіртке шапқыншылығын бастан кешті.

БҰҰ азық-түлік және ауыл шаруашылығы ұйымының дерегінше, шегірткен шапқыншылығы Африканың көптеген аймақтарында аштыққа себеп болуы мүмкін.

«Эфиопия мен Сомалиде жәндіктердің ірі шабуылдары 25 жылдан астам уақыт болған жоқ, қазіргі кезде осы елдердің барлық күштері дәл осы проблеманы шешуге шоғырланған. Сонымен қатар биыл Ауғанстан, Пәкістан, Үндістан және оңтүстік-шығыс Азияның басқа елдері шегірткенің бұрын-соңды болмаған шабуылын көрді. Ғалымдардың пікірінше, шегірткенің биылғы шапқыншылығы әлемде апаты жағдай орнатуы мүмкін»,– деді Алмабек Марс.

Қанат Махамбет

Шегіртке ошағын анықтауға GPS навигатор мен трекер қолданылады

1224 тексеруші 38,3 млн гектар жерді зерттейді.

29 Мамыр 2020 16:05 149

 Шегіртке ошағын анықтауға GPS навигатор мен трекер қолданылады

Ауыл шаруашылығы министрлігі агроөнеркәсіп кешеніндегі мемлекеттік инспекция комитетінің төрағасы Алмабек Марстың мәлімдеуінше, Қазақстан Қытай Халық Республикасы және Ресей Федерациясымен шекаралас аумақтардағы зиянкестерді анықтау үшін бірлескен зерттеу жүргізеді.

«2019 жылдың желтоқсан айында Пекинде ҚХР ауыл шаруашылығы министрлігімен, биыл ақпан айында Ресей Федерациясы ауыл шаруашылығы министрлігімен шекаралас аумақтарда шегірткеге қарсы күрес мәселелері бойынша халықаралық кеңес өтті. Нәтижесінде шегірткеге қарсы күресте күш біріктіру туралы шешім қабылданды»,– деді комитет төрағасы.

Оның айтуынша, биыл шекара маңындағы облыстарда үйірлі шегірткеге қарсы 19,6 млн, саяқ шегірткеге қарсы 1,2 млн гектар алқапта зерттеу жүргізіледі.

«Шегірткелерге қарсы күрес мәселесі ауыл шаруашылығы министрлігінің тұрақты бақылауында. Таяуда марокка шегірткесіне қарсы химиялық іс-шаралар Жамбыл, Түркістан облыстарында аяқталады», – деді Алмабек Марс.

Комитет төрағасының айтуынша, Алматы, Жамбыл, Қарағанды және Павлодар облыстарында итальяндық прусқа қарсы күрес шаралары қарқынды жүріп жатыр. Басқа аймақтарда шегірткенің таралу ошақтарының анықталуына қарай химиялық өңдеу басталады.

Қанат Махамбет

Егіс алқабын шегіртке «жаулайын» деп тұр

Үйірлі шегірткемен күреске республикалық бюджеттен 1 млрд теңге бөлінді.

29 Мамыр 2020 13:42 126

Егіс алқабын шегіртке «жаулайын» деп тұр

«Республикалық фитосанитарлық диагностика және болжамдар әдістемелік орталығы» РММ зерттеуінше, биыл 554 мың гектар алқапқа үйірлі шегіртке, оның ішінде 295,9 мың гектарға –италиялық прус, 164,2 мың гектарға – азиялық, 93,9 мың гектарға – марокколық, 266,8 мың гектарға – саяқ шегіртке таралуы мүмкін.

Ауыл шаруашылығы министрлігі агроөнеркәсіп кешеніндегі мемлекеттік инспекция комитетінің төрағасы Алмабек Марс осы деректі алға тартып, үйірлі шегірткемен күреске республикалық бюджеттен 1 млрд теңге бөлінетінін мәлімдеді. Оның сөзінше, саяқ шегірткеге қарсы күрес жүргізу үшін жергілікті бюджет қаражатынан 555,1 млн теңге қарастырылған.

«Орталық қоймада шегірткемен күреске арналған 47,5 мың литр пестицид қоры бар. Бұл қор зиянкестерден 525,3 мың гектар жерді қорғауға жетеді», – деді комитет төрағасы.

Белгілі болғандай, үйірлі шегірткеге қарсы тиімді өңдеу жүргізу үшін түрлі пестицидтер сатып алыныпты. Бұл туралы Алмабек Марс: «Өңдеуге 148 бірлік арнайы бүріккіш техника тартылды. Жер үсті бүріккіштері мен газ генераторлары бойынша шарттар жасалды. Министрлік облыс әкімдіктерімен бірлесіп, өңірлерде жедел штаб құрды. Мониторинг және химиялық өңдеу жұмыстарын ұйымдастыру бойынша жұмыс жоспарын бекітті»,– деді.

Қанат Махамбет

Фото: Pixabay