Орталық коммуникациялар алаңында өткен брифингте Бас прокурордың аға көмекшісі Азамат Сарғазин әкімшілік құқық бұзу фактілеріне тоқталды, деп жазды inbusiness.kz.
Айтуынша соттар осы оқиғаларға байланысты барлығы 8 354 әкімшілік істі қараған.
"Соттар мен прокурорлар жеңілдететін мән-жай мен кінәлі адамдардың өкінгенін ескерген. Осылайша, 3 337 құқықбұзушыға қамауға алу немесе айыппұл түрінде жаза қолданбай, ескерту ғана жасаған", – деді спикер.
Ал 1 653 іс бойынша сот айыппұл салған. Қазіргі кезде әлі 1 002 адам қамауда отыр.
"Қамаудағы адамдардың әкімшілік жазасын жеңілдету мақсатында прокурорлар апелляциялық сотқа 1 758 өтініш хат жолдады. Осы хаттар негізінде 676 адам қамақтан босатылса, 344 адамның айыппұлы ескертуге ауыстырылды", – деп атап өтті Азамат Сарғазин.
Бас прокурордың аға көмекшісіның айтуынша, бүгінде прокурорлардың жазаны жеңілдетуге және айыппұлды ескертуге ауыстыруға бағытталған 738 өтініш-хаты әлі қаралып жатыр. Сонымен қатар 358 әкімшілік іс материалдары сотқа жіберілмей тоқтатылған.
Құралай Құдайберген
